FAHAMU JINSI YA KUOMBA SALA YA VITA


 

SALA YA VITA (0766500747)

Namuungamia Mungu Mwenyezi kutokana na dhambi zangu zote nilizokutenda Bwana kwa mawazo yangu, kwa vitendo vyangu na kutotimiza wajibu wangu, Bwana unisamehe, naomba msamaha wa dhambi zangu kwa jina takatifu la Yesu Kristo Mwokozi wangu, natangaza uhuru wangu kwa damu ya Yesu Kristo wa Nazareth.

Nakuja kwa Baba Mtakatifu, Mungu wangu katika jina takatifu litetemeshalo mpaka kuzimu la Bwana wetu Yesu Kristu, naomba unijalie moyo wa ujasiri, nguvu na imani katika sala hii, nipe ujasiri kama mtumishi wako Daudi katika vita na Goliati, univalishe nguvu na imani kutoka mbinguni kwa msingi wa neno lako.

Sasa Mwenyezi Mungu natumia moyo wa ujasiri, nguvu na Imani uliyonijalia kupiga na kuteketeza milele mipango yote ya shetani na mawakala wake dhidi yangu, na dhidi yah ii kazi yangu na familia yangu yote katika jina la Yesu Kristo.

Baba nipe mpako wa kivita kama uliompa Daudi zaburi 89:20-24 inashuhudia na ahadi yako yasema “mimi nitawaponda wapinzani wake, nitawaangamiza wote wanaonichukia” kwa neno hili Mwenyezi Mungu nawakabidhi maadui zangu wote mbele yako.

Baba Mungu Mwenyezi navaa silaha za vita kama ilivyoandikwa (waefeso 6:10-18) navaa ukweli kama mkanda kiunoni mwangu, navaa uadilifu uwe kama vazi la kujikinga kifuani, hamu ya kutangaza habari njema na amani iwe kama viatu miguuni pangu, imani iwe ngao mikononi mwangu kama kofia ya chuma na neno la Mungu kama upanga niliopewa na roho Mtakatifu dhidi ya maadui zangu.

Nathibitisha neno la Mungu ni kweli na nachagua leo kuishi katika mwanga wa neno hilo, fungua macho yangu Bwana unionyeshe maeneo ya maisha yangu yasiyokupendeza na maadui wangu wote waangaziwe nuru yako, na ninabomoa leo katika maisha yangu makao yote ya shetani na kuangamiza mipango yote ya shetani ambayo ameipanga ndani yangu, ameijenga ndani yangu dhidi ya akili yangu, afya yangu, taaluma yangu, kazi yangu, mme wangu, utashi wangu, maeneo yangu, hisia zangu na mwili wangu.

Navaa mamlaka Bwana kwa neno lako toka Mathayo 18:18 ninatuma neno hili kufunga nguvu zote za shetani na mawakala zake wanaojidhihirisha katika maisha yangu kwa jina la Yesu Kristo, nawafunga na kuwagombanisha wao kwa wao mpaka watakapokiri kwa vinywa vyao na matendo yao kuwa Yesu Kristo ni Bwana.

Nateketeza nguvu zote za giza katika kazi yangu na nyumbani ninamoishi na eneo lote bila kujali zimejificha wapi iwe hewani, angani, motoni, ardhini, baharini, chini ya bahari, chini ya ardhi naziteketeza zote kwa jina la Yesu, nakuja kinyume na pepo wakuu wote wa uovu katika nchi hii, mji huu, nyumba hii na katika eneo langu la kazi kwa jina la Yesu Kristo.

Nafunga mapepo yote na nguvu yote ya kishirikina na uchawi inayotumika na watu hawa walioumbwa kwa sura ya mfano wa Mungu, nafunga nguvu zako zote wewe (Taja maadui kwa majina yao) na kundi lenu lote, nawaweka wote chini ya msalaba wa Kristo katika jina la Yesu mpaka pale mtakapokili Yesu Kristo ni Bwana.

Kwa nguvu za Mwenyezi Mungu nawatangazia msamaha kwa yale yote mlionitendea, maana nguvu zako Mungu wangu na ulinzi wako umejidhirisha juu ya maisha yangu na kwa jina la Yesu nakuja kinyume na kusanyiko lolote la kichawi katika eneo langu la kazi, shule yangu, nyumba yangu kuanzia angani, motoni, ardhini, chini ya ardhi, baharini, chini ya bahari, karibu na nyumba hii popote pale kwa jina la Yesu Kristo.

Katika jina tukufu la Yesu Kristo, nafunika mahali hapa na eneo hili kwa damu azizi ya Bwana wetu Yesu Kristo, nafunika shule yangu kwa damu ya Yesu Kristo na damu ya Yesu ikawateketeze roho za giza zote katika eneo hili, nafungulia moto war oho mtakatifu ufunike eneo langu lote la kazi, nafungulia ulinzi wa Mungu katika pembe zote za mahali hapa, naangamiza roho zote za visasi kwa jina la Yesu Kristo.

Baba mtakatifu nakupa sifa zote, heshima na utukufu, wafungulia malaika wako wenye nguvu za kivita kushuka na kuweka ulinzi mahali hapa dhidi ya shetani na majeshi yake ya nguvu za giza. Namwaga damu ya Yesu katika maeneo yote ya nyumba hii na wapanga malaika wa Mungu kuyalinda maeneo yote ninamoishi kwa jina la Yesu Kristo.

Baba yetu x 3 salamu Maria x 3 atukuzwe x 3

Mtakatifu Mikael Malaika Mkuu – utuombee

Mtakatifu Raphael Malaika Mkuu – Utuombee

Watakatifu Malaika Wakuu – utuombee

Amina.

UNAWEZA PIA KUTAZAMA VIDEO HIZI ZA SAUTI KWAJILI YA MAFUNDISHO ZAIDI






Maoni

Chapisha Maoni

Machapisho maarufu kutoka blogu hii

IBADA KWA MOYO MTAKATIFU WA YESU

Picha
  IBADA KWA MOYO MTAKATIFU WA YESU   SALA KABLA YA KOMUNIO – SALA YA KUUTULIZA MOYO MTAKATIFU WA YESU Ee Yesu wangu, Mungu wangu na Bwana wa maisha yangu, sasa nataka kupokea komunio Takatifu, ili nikurudishie mapendo na kukufariji kwa ajili ya ubaridi wote na dhambi zote unazokosewa na watu katika Sakramenti hii ya mapendo. Ee Yesu, nakuomba unipe nguvu niishike na niishi nia hili. Nami najua ya kwamba wewe utakumbuka na kutimiza ahadi ya maneno uliyomwambia mtakatifu Margeth Maria Alacok, kwamba: “Utakuwa kimbilio langu katika maisha yangu na hasa saa ya kufa kwangu. AMINA” Moyo wa Yesu matumaini yao wanaokufa katika neema yako – Utuhurumie. Moyo wa Yesu malipo kwa dhambi zetu – utuhurumie. AMINA.     1.    SALA YA KUMWOMBA ROHO MTAKATIFU AYAGEUZE MAISHA YETU.   Ee Roho Mtakatifu, upendo na uzuri, uchangamfu, wa Baba na Mwana, maua na harufu ya utakatifu wa Mungu. Moto Mtakatifu uliowashwa ndani yangu, uufanye moyo wangu uwe m...
Read more »

CHANGAMOTO YA NDOTO KATIKA ULIMWENGU WA ROHO

Picha
  CHANGAMOTO YA NDOTO KATIKA ULIMWENGU WA ROHO Tumsifu Yesu Kristu, Ndugu yangu katika Makala hii napenda leo kujadili juu ya changamoto ya ndoto katika ulimwengu wa roho. Ninaposema changamoto ya ndoto katika Ulimwengu wa roho namaanisha ni hali ya mtu kuota ndoto ambazo zinafanana sana na uhalisi wake katika hali ya kawaida, yani unaota ndoto ambayo wewe mwenyewe unaona au unahisi kabisa kitu hichi ni kweli kimefanyika, mfano wa ndoto hizi ni 1)     Unaota unakula nyama mbichi na unapohamka ukitafakari hiyo ndoto na ukigusa meno yako unawez kukuta mabaki halisi ya nyama katika kinywa chako.   2)     Unaota unakula kweli na ukiamka asubuhi umeshiba kabisa wala huitaji chakula chochote.   3)     Unaota unakimbizwa, na unakimbia kweli, ukizinduka katika ndoto unajikuta ni mtu mwenye hofu na unahema kweli na kila tukio unalikumbuka vema.   4)       Unaota huko katikati ya watu waliovaa...
Read more »

MALAIKA MKUU MT. MICHAEL UTULINDE KATIKA VITA

Picha
  MALAIKA MKUU MT. MICHAEL UTULINDE KATIKA VITA Siku moja Mtakatifu Michael Malaika Mkuu alimtokea Mtumishi wa Mungu Antonia D’astonic Akamwambia kuwa “Nataka kuheshimiwa kwa sala tisa, kulingana na makundi tisa ya Malaika wa mbinguni na sala hizi ziwe Baba yetu…. X 1, Salamu Maria…. X 3 (Kwa heshima ya kila Kundi la Malaika)                                                                       Ahadi za Mt. Mikael: yeyote atakayezoea kufanya ibada hii kwa heshima yangu, wakati wa kuelekea meza Takatifu, atasindikizwa na Malaika toka kwenye Makundi yote tisa, ambao watachaguliwa kutoka kila kundi. Zaidi ya hayo, atakayesali sala hizi tisa...
Read more »

SALA KWA AJILI YA KUFUNGULIWA KUTOKA KATIKA NGUVU ZA GIZA

Picha
  SALA KWA AJILI YA KUFUNGULIWA KUTOKA KATIKA NGUVU ZA GIZA Ifuatayo ni Sala nzuri sana kwajili ya mtu anayeshumbuliwa na nguvu za giza, Sala hii imeambatana na masharti au Muongozo tu awali ambao unakuwandaa vema kusali sala hii. Na unapoanza kusali, Isali kwa kumaanisha na inapotokea unashindwa kusali wewe anayeweza aendelee kusali kwa niaba yako. o    Upande wa maombi kumbuka kila siku kurudia maombi yako yale yale mpaka Mungu atakapo kujibu o    Upande ya sehemu ya ahadi inayoambatana na maombi yako, kumbuka ahadi hizo unaingia wewe na Mungu wako, ikitokea umevunja ahadi zako kaungame haraka kwa Mungu wako. o    Mwisho Sali Rozali ya huruma ya Mungu na ……… MASHERTI YA SALA HIZI 1.    Anza Sala hizi kwa kuungama kwanza dhambi zako zote tangu ulipokuwa na ufahamu, (ungama hata dhambi ambazo ulikuwa umeishaungama zamani) 2.    Baada ya hilo, omba misa maalumu, isomwe kwa nia yako. Usipokuwa na pesa basi itolee tu ki...
Read more »

HISTORIA YA MAISHA YA BIKIRA MARIA

Picha
  HISTORIA YA MAISHA YA BIKIRA MARIA MAISHA YA WAZAZI WA BIKIRA MARIA Mnamo karne ya pili kabla ya kuzaliwa kwake Bwana wetu Yesu kristo. Wazazi wa Bikira Maria walijulikana katika Kanisa kwa majina ya JOAKIMU na ANNA. Hata ilipofika karne ya nne, Wakristu wa kanisa la Mashariki walikuwa tayari wameshazoea kuwaheshimu wazazi hawa. Mwaka 1548 Kanisa Katoliki lilianza rasmi kusherekea sikukuu ya wazazi wa Mungu, Katika kalenda ya Kanisa sikukuu ya Watakatifu hawa huadhimishwa tarehe 26 Julai kila mwaka. BABA MZAZI WA BIKIRA MARIA Joakimu ndiye Baba mzazi wa Bikira Maria, Baba huyu alikuwa wa kabila la Yuda na Ukoo wa Mfalme Daudi. Jina Joakimu lina maana ya Matayarisho kwa ajili ya Bwana ; au Bwana anatayarisha. Mtakatifu huyu aliishi Nazareti iliyoko Galilaya. MAMA MZAZI WA BIKIRA MARIA Anna ndiye mzazi wa Bikira Maria, Mama huyu alizaliwa katika ukoo wa Haruni Kuhani Mkuu wa kabila la Yuda. Jina la Anna lina maana ya Neema au Enye Neema. Mama huyu nyumbani kwao kulikuw...
Read more »