ROZARI YA KUWAOMBEA MAREHEMU TOHARANI

 


ROZARI YA KUWAOMBEA MAREHEMU TOHARANI.

 

*• Jinsi na namna ya kusali.*

*(Tumia Rozari ya kawaida)*

 

Anza Rozari kwa kupiga Ishara ya Msalaba huku ukisema: "Kwa Jina la Baba, na la Mwana na la Roho Mtakatifu. Amina".

 

Kisha sema maneno haya:

K. Ee Mungu utuelekezee msaada.

W. Ee Bwana utusaidie hima.

Atukuzwe Baba....

 

SALA YA MWANZO

"Ee Majeraha ya Bwana wetu na Mtukufu sana, ambayo yalimgharimu uchungu na damu. Ee Majeraha yenye utukufu, ambayo yalikuwa asili ya mapendo yake yasiyo na mwisho kwa ajili yetu. Tunakusihi utuonee huruma sisi na roho zote wanaoteseka Toharani na hata wakosefu wote maskini walioko duniani. AMINA"

 

*• Kwenye punje kubwa: Sali SALA YA ATUKUZWE BABA...*

 

(Baada ya hapo, sala ya Mtakatifu Getruda Mkuu isaliwe)

 

SALA YA MTAKATIFU GETRUDA MKUU.

"Baba wa milele, ninakutotelea damu yenye thamani kuu ya Yesu Mwanao Mungu, nikiunganisha na sadaka za Misa Takatifu zinazoadhimishwa leo popote duniani. Kwa ajili ya roho za marehemu Toharani, kwa ajili ya wakosefu wote duniani, kwa ajili ya Wakatoliki walio wakosefu, kwa ajili ya wakosefu wa nyumbani kwangu mwenyewe na wale wa familia yangu. AMINA".

 

• Kwenye punje ndogo kumi (10):

K. Raha ya milele uwape ee Bwana.

W. Na mwanga wa milele uwaangazie, marehemu wote wapumzike kwa amani. AMINA.

 

SALA YA MWISHO

K. Ee Bwana usikie sala yangu.

W. Na mlio wangu ukufikie.

K. Marehemu wote wapumzike kwa amani.

W. AMINA

 

TUOMBE

"Baba wa milele Muumba na Mkombozi wa waamini wote, tunaomba msamaha wa dhambi zote roho za watumishi wako huko Toharani. Ni hao ambao sala zetu tunazileta mbele yako, ili waweze kuopolewa kutokana na huruma yako ya milele. Na wapokee msamaha wako, ambao daima waliutamainia kwako. AMINA".

 

K. Roho Takatifu mliotoka Toharani.

W. Tuombeeni sasa na milele. AMINA.

 

LITANIA YA KUWAOMBEA MAREHEMU TOHARANI.

 

K. Bwana uwahurumie  marehemu, W. Bwana uwahurumie.

K. Kristo uwahurumie marehemu, W. Kristo uwahurumie.

K. Bwana uwahurumie marehemu, W. Bwana uwahurumie.

K. Kristo kwa wema utusikie, W. Kristo utusikilize.

 

Kiitikio (Uwahurumie marehemu)

Baba wa Mbinguni Mungu,

Mwana Mkombozi wa dunia Mungu,

Roho Mtakatifu Mungu,

Utatu Mtakatifu Mungu mmoja,

 

Kiitikio (Uwaombee marehemu)

Maria Mtakatifu,

Mzazi Mtakatifu wa Mungu,

Bikira Mkuu wa Mabikira,

Mama wa Mungu,

Mama wa Huruma,

Mlango wa Mbingu,

Wewe uliye Mfariji wa wanyonge,

Mtakatifu Yosefu,

Mtakatifu Mikaeli,

 

Kiitikio (Muwaombee Marehemu)

Enyi Malaika Watakatifu na Malaika wakuu,

Enyi Mababu wote na Manabii,

Mitume wote Watakatifu na Wainjili,

Wafuasi Watakatifu wote wa Bwana,

Watoto Watakatifu msio na hatia,

Mashahidi wote Watakatifu,

Maaskofu na Waamini wote,

Waalimu Watakatifu wa Kanisa,

Mapadre wote na Mashemasi Watakatifu,

Enyi Wamonaki na Waheremita,

Mabikira na Wajane wote Watakatifu,

Enyi Watakatifu wote wa Mungu,

 

K. Uwarehemu W. Uwaokoe ee Bwana.

K. Uwarehemu W. Uwaopoe ee Bwana.

 

Kiitikio (Uwaokoe ee Bwana)

Katika maumivu yao yote,

Kutokana na hukumu yao kali,

Kutokana na wadudu wasiokufa wanaotafuna nafsi zao,

Kutokana na uchungu wao mkali,

Kutokana na kifungo chao cha mateso,

Kutokana na moto mkali unaowachoma,

Kutokana na mateso yao yasiyoelezeka,

Kutokana na adhabu zao zote,

 

Kiitikio (Uwaopoe ee Bwana)

Kwa kuchukua ubinadamu wako wa ajabu,

Kwa kuzaliwa kwako Kitakatifu,

Kwa Ubatizo na Mfungo wako Mtakatifu,

Kwa unyenyekevu wako mkuu,

Kwa utii wako mkamilifu,

Kwa umaskini wako wa kweli,

Kwa kuhukumiwa kwako bila hatia,

Kwa kubeba Msalaba wako kwa ukatili,

Kwa kusulubiwa kwako kwa ukatili mkuu,

Kwa kutelekezwa kwako katika mateso,

Kwa sadaka ya kifo chako Msalabani,

Kwa Majeraha yako matano Matakatifu,

Kwa kuchomwa Moyo wako Mtakatifu,

Kwa ufufuko wako Mtakatifu,

Kwa kupaa kwako kiajabu,

Kwa ujio wa Roho Mtakatifu Mfariji,

Kwa mastahili na maombezi ya Mama yako Mtakatifu,

Kwa mastahili na maombezi ya Watakatifu wote,

 

Kiitikio (Ee Bwana twakuomba utusikie)

Sisi wakosefu maskini,

Uweze kuwakinga na mateso roho walio Toharani,

Uweze kuwaopoa katika mateso yao machungu,

Uweze kuwashirikisha mastahili ya kazi zako zote kwa ajili yao,

Kwa msaada wa Mtakatifu Mikaeli Malaika Mkuu na Malaika wote Watakatifu watuongoze katika mwanga na heri ya milele,

Kwamba uweze kuwafurahisha mapema kwa kuja kuuona Uso wako wa milele,

Uweze kuwashirikisha mastahili ya kazi zote njema za Waamini wako,

Uweze daima kusikiliza sala zetu zote kwa ajili yao,

Uwajalie marehemu wazazi, watoto, ndugu, marafiki na wafadhili wetu heri yako ya milele,

Uwaopoe roho wale ambao kwa upande mwingine sisi tumeshiriki katika kosa la adhabu yao,

Kwamba uwe na huruma ya pekee kwa roho wote wasio na waombezi hapa duniani,

Uwajalie amani ya milele Wakristo wote marehemu,

Kwa maombezi ya Wakristo wote roho maskini uwajalie huruma na mapendo yako ya milele,

Yesu Mwana wa Mungu na Mfalme wa heri ya milele,

 

K. Mwanakondoo wa Mungu uondoaye dhambi za ulimwengu, W. Uwakinge ee Bwana.

K. Mwanakondoo wa Mungu uondoaye dhambi za ulimwengu, W. Uwaopoe ee Bwana.

K. Mwanakondoo wa Mungu uondoaye dhambi za ulimwengu, W. Uwahurumie ee Bwana.

 

K. Pumziko la milele uwape ee Bwana,

W. Na mwanga wa milele uwaangazie, marehemu wote wapumzike kwa amani. AMINA.

 

*TUOMBE*

"Ee Mungu Bwana wa Maisha na kifo, uwaonyeshe huruma yako ya milele Watumishi wako waliokuwa Waamini wako na bado walikutamainia wewe siku zote. Uwajalie wote msamaha wa kosa la adhabu yao wanayoitumikia, uopoe roho zao kutokana na mateso yao makali huko Toharani. Kwa niaba yao, tunaomba kupitia Maombezi ya Bikira Maria na kwa njia ya Kristo Bwana wetu. AMINA".

 

Mwisho maliza Rozari kwa kupiga Ishara ya Msalaba kama ulivyofanya hapo mwanzo.

 

RAHA YA MILELE UWAPE EE BWANA...

 

 

 

 

 

………………………………………………………


Maoni

Chapisha Maoni

Machapisho maarufu kutoka blogu hii

JINSI YA KUSALI ROSARI TAKATIFU YA BIKRA MARIA

Picha
JINSI YA KUSALI ROSARI TAKATIFU YA BIKRA MARIA   KANUNI ZA IMANI 1.    Nasadiki kwa Mungu Baba Mwenyezi muumba mbingu na dunia na kwa Yesu Kristo mwanaye wa pekee, Bwana wetu, aliyetungwa kwa uwezo wa roho mtakatifu akazaliwa na Bikra Maria akateswa kwa mamlaka ya Polystyo Pilato, akasulubiwa akafa, akazikwa akashukia kuzimu siku ya tatu akafufuka katika wafu akapaa mbinguni, amekaa kuume kwa Mungu baba Mwenyezi toka huko atakuja kwa utukufu kuwahukumu wazima na wafu, Nasadiki kwa roho Mtakatifu, Kanisa takatifu Katoliki, ushirika wa watakatifu, maondoleo ya dhambi, ufufuko wa miili na uzima wa milele ijayo Amina.   2.    BABA YETU Baba Yetu uliyembinguni jina lako litukuzwe, ufalme wako ufike utakalo lifanyike duniani kama mbingui utupe leo mkate wetu wa kila siku, utusamehe makosa yetu, kama tunavyo wasamehe na sisi waliotukosea usitutiye katika kishawishi lakini utuokoe maovuni Amina.   3.    SALAMU MARIA Salamu Maria ume...
Read more »

MALAIKA MKUU MT. MICHAEL UTULINDE KATIKA VITA

Picha
  MALAIKA MKUU MT. MICHAEL UTULINDE KATIKA VITA Siku moja Mtakatifu Michael Malaika Mkuu alimtokea Mtumishi wa Mungu Antonia D’astonic Akamwambia kuwa “Nataka kuheshimiwa kwa sala tisa, kulingana na makundi tisa ya Malaika wa mbinguni na sala hizi ziwe Baba yetu…. X 1, Salamu Maria…. X 3 (Kwa heshima ya kila Kundi la Malaika)                                                                       Ahadi za Mt. Mikael: yeyote atakayezoea kufanya ibada hii kwa heshima yangu, wakati wa kuelekea meza Takatifu, atasindikizwa na Malaika toka kwenye Makundi yote tisa, ambao watachaguliwa kutoka kila kundi. Zaidi ya hayo, atakayesali sala hizi tisa...
Read more »

FAHAMU JINSI YA KUOMBA SALA YA VITA

Picha
  SALA YA VITA (0766500747) Namuungamia Mungu Mwenyezi kutokana na dhambi zangu zote nilizokutenda Bwana kwa mawazo yangu, kwa vitendo vyangu na kutotimiza wajibu wangu, Bwana unisamehe, naomba msamaha wa dhambi zangu kwa jina takatifu la Yesu Kristo Mwokozi wangu, natangaza uhuru wangu kwa damu ya Yesu Kristo wa Nazareth. Nakuja kwa Baba Mtakatifu, Mungu wangu katika jina takatifu litetemeshalo mpaka kuzimu la Bwana wetu Yesu Kristu, naomba unijalie moyo wa ujasiri, nguvu na imani katika sala hii, nipe ujasiri kama mtumishi wako Daudi katika vita na Goliati, univalishe nguvu na imani kutoka mbinguni kwa msingi wa neno lako. Sasa Mwenyezi Mungu natumia moyo wa ujasiri, nguvu na Imani uliyonijalia kupiga na kuteketeza milele mipango yote ya shetani na mawakala wake dhidi yangu, na dhidi yah ii kazi yangu na familia yangu yote katika jina la Yesu Kristo. Baba nipe mpako wa kivita kama uliompa Daudi zaburi 89:20-24 inashuhudia na ahadi yako yasema “mimi nitawaponda wapinzani w...
Read more »

SALA KWA AJILI YA KUFUNGULIWA KUTOKA KATIKA NGUVU ZA GIZA

Picha
  SALA KWA AJILI YA KUFUNGULIWA KUTOKA KATIKA NGUVU ZA GIZA Ifuatayo ni Sala nzuri sana kwajili ya mtu anayeshumbuliwa na nguvu za giza, Sala hii imeambatana na masharti au Muongozo tu awali ambao unakuwandaa vema kusali sala hii. Na unapoanza kusali, Isali kwa kumaanisha na inapotokea unashindwa kusali wewe anayeweza aendelee kusali kwa niaba yako. o    Upande wa maombi kumbuka kila siku kurudia maombi yako yale yale mpaka Mungu atakapo kujibu o    Upande ya sehemu ya ahadi inayoambatana na maombi yako, kumbuka ahadi hizo unaingia wewe na Mungu wako, ikitokea umevunja ahadi zako kaungame haraka kwa Mungu wako. o    Mwisho Sali Rozali ya huruma ya Mungu na ……… MASHERTI YA SALA HIZI 1.    Anza Sala hizi kwa kuungama kwanza dhambi zako zote tangu ulipokuwa na ufahamu, (ungama hata dhambi ambazo ulikuwa umeishaungama zamani) 2.    Baada ya hilo, omba misa maalumu, isomwe kwa nia yako. Usipokuwa na pesa basi itolee tu ki...
Read more »

HISTORIA YA MAISHA YA BIKIRA MARIA

Picha
  HISTORIA YA MAISHA YA BIKIRA MARIA MAISHA YA WAZAZI WA BIKIRA MARIA Mnamo karne ya pili kabla ya kuzaliwa kwake Bwana wetu Yesu kristo. Wazazi wa Bikira Maria walijulikana katika Kanisa kwa majina ya JOAKIMU na ANNA. Hata ilipofika karne ya nne, Wakristu wa kanisa la Mashariki walikuwa tayari wameshazoea kuwaheshimu wazazi hawa. Mwaka 1548 Kanisa Katoliki lilianza rasmi kusherekea sikukuu ya wazazi wa Mungu, Katika kalenda ya Kanisa sikukuu ya Watakatifu hawa huadhimishwa tarehe 26 Julai kila mwaka. BABA MZAZI WA BIKIRA MARIA Joakimu ndiye Baba mzazi wa Bikira Maria, Baba huyu alikuwa wa kabila la Yuda na Ukoo wa Mfalme Daudi. Jina Joakimu lina maana ya Matayarisho kwa ajili ya Bwana ; au Bwana anatayarisha. Mtakatifu huyu aliishi Nazareti iliyoko Galilaya. MAMA MZAZI WA BIKIRA MARIA Anna ndiye mzazi wa Bikira Maria, Mama huyu alizaliwa katika ukoo wa Haruni Kuhani Mkuu wa kabila la Yuda. Jina la Anna lina maana ya Neema au Enye Neema. Mama huyu nyumbani kwao kulikuw...
Read more »