TOHARANI NI WAPI NA INAPATIKANA WAPI KWENYE BIBLIA?

 



 

TOHARANI NI WAPI NA INAPATIKANA WAPI KWENYE BIBLIA?

(Naomba ni kushirikishe kusoma habari hii nzuri juu ya Toharani ambayo nimeikuta mahali bila kupunguza au kuongeza neno naomba Tusome pamoja tujifunze kitu.

 

• Iko hivi...

 

Kwa mujibu wa Katekisimu ya Kanisa Katoliki, Toharani inaelezwa kama Utakaso wa mwisho (final purification). Yaani wale wote waliokufa katika Huruma ya Mungu, na urafiki na Mungu. Lakini hawakuwa Safi kabisa, lazima waende kwanza Toharani ili wakatakaswe kabla ya kuingia Mbinguni.

 

Ile hali ya Utakaso kabla ya kuingia Mbinguni, ndio tunaiita "Toharani" na fundisho hili linaadhimishwa rasmi ndani ya Kanisa kupitia Mitaguso ya Florence na Trent. (Rejea Catechism Of The Catholic Church 1030-31).

 

Kamusi ya Concise Oxford inaeleza neno "Toharani"  kama eneo, sehemu au hali ya mateso inayopata roho za wenye dhambi ndogo kama malipizi yake, ili itakasike kabla ya kuingia Mbinguni.

 

"A place or state of suffering inhabited by the souls of sinners who are expiating their sins before going to Heaven".

 

Kwa Kingereza Toharani hujulikana kama "Purgatory", kwa Kilatini ni "Purgatorium".

 

Maneno yote haya yana maana moja kuwa, ni eneo la Utakaso kwa roho zenye dhambi nyepesi kabla hazijaingia Mbinguni.

 

Neno "Toharani" au "Purgatory" halipo kwenye Biblia, iwe ya tafsiri ya Kiswahili au English version n.k

 

Hali kadhalika hata neno lenyewe "Biblia" halipo kwenye Maandiko Matakatifu, yaani Biblia yenyewe haijataja kama inaitwa "Biblia".

 

Vile vile neno "Utatu" au "Trinity" hauwezi kulipata sehemu yoyote ile kwenye Biblia, lakini haimaanishi kwamba hakuna fundisho linalotupa tusiamini uwepo wa Utatu Mtakatifu.

 

Kwahiyo neno kutotajwa kwenye Biblia, haifanyi neno hilo lisiwepo. Kwani pale Biblia haijapataja, basi Mapokeo yana kitu cha kutuambia.

 

Hakika Biblia ilibuniwa ili kuyataja yale Maandiko Matakatifu yaliyojumuishwa pamoja. Vivyo hivyo neno "Toharani" limebuniwa ili kuwakilisha eneo au hali ambayo zile roho zilizotenda dhambi nyepesi zinapelekwa pale ili kutakaswa kabla ya kuingia Mbinguni.

 

Fundisho kuhusu Toharani limetajwa kwenye Biblia katika Kitabu cha pili cha Wamakabayo na Injili ya Mathayo. 

 

Kumbuka, neno "Toharani" halipo ila "Concept" kuhusu Toharani ipo.

 

Ukatoliki haujajengwa tu kwa Maandiko Matakatifu (Sola Scriptura), bali pia katika Mapokeo Matakatifu.

 

Kwani kupitia Maandiko na Mapokeo Matakatifu, ndipo misingi ya mafundisho ya Kanisa Katoliki yanapatikana.

 

*CONCEPT AU FUNDISHO KUHUSU TOHARANI TUNAIPATA WAPI KWENYE BIBLIA?*

 

Nini tunakipata katika Kitabu cha pili cha Yuda Makabayo, moja ya vitabu vinavyopatikana tu kwenye orodha ya vitabu vya Biblia Takatifu.

 

Deuterocanonical books ambapo Waprotestanti wanakiweka kwenye orodha ya vitabu vya "Apocrypha" yaani "Vitabu visivyokubalika".

 

Basi naomba rejea 2Makabayo 12:39-45 inasema:

 

39. Siku iliyofuata waliona ni haraka na muhimu kukusanya miili ya wenzao waliokuwa wameuawa vitani, na kuizika katika makaburi ya wazee wao.

 

40. Lakini katika kila maiti, walikuta zimefichwa nguo sanamu ndogo ndogo za miungu iliyoabudiwa yamnia, jambo ambalo sheria inawakataza Wayahudi kuzivaa. Hapo kila mtu alijua ni kwanini hao walikuwa wameuawa.

 

41. Hivyo wakazisifu njia za Bwana Hakimu mwenye Haki, afichuaye vilivyofichika.

 

42. Na wakamwomba Bwana afutulie mbali dhambi hiyo, kisha Yuda yule mtu mwadilifu akawataka watu waepuke dhambi, kwa sababu walikuwa wamejionea wenyewe yaliyokuwa yamewapata wale waliokuwa wametenda dhambi.

 

43. Pia alichangisha fedha kutoka kwa watu wake, fedha ipatayo drakma elfu mbili akaipeleka Yerusalem kwa ajili ya dhabihu ya kuondoa dhambi. Yuda alifanya tendo lililo jema, kwa sababu aliamini katika ufufuo wa wafu.

 

44. Kama asingekuwa na imani kwamba wafu watafufuliwa, ingekuwa ni upambavu na kazi bure kuwaombea marehemu.

 

45. Lakini akiwa anatazamia tunzo nzuri walioekewa waliokufa wakiwa waaminifu kwa Mungu, hilo lilikuwa wazo jema na takatifu. Kwahiyo Yuda alitolea dhabihu ya upatanisho, ili wote wapate kuondolewa dhambi zao.

 

Myahudi Yuda Makabayo alifanikiwa kuongoza vita dhidi ya Mfalme Antrochus IV wa Syria, kati ya mwaka 167 - 160 BC.

 

Baadhi ya maaskari wake walifia vitani, katika kupekua maiti zao ndipo Yuda na wenzake wakagundua kuwa, baadhi ya wale maaskari waliokufa walikuwa wamevaa visanamu vya bahati viunoni na shingoni, tuseme ni kama yale makonokono ya baharini, ambazo baadhi yetu tunawavalisha watoto wetu, eti kuwakinga na watu wenye macho mabaya.

 

Sasa Hawa Askari walivaa visanamu vya miungu yamnia kama kinga yao wasiuawe vitani.

 

Katika sheria ya Torati ya Musa na Amri za Mungu, hii ilikuwa ni kosa kubwa mno kwa Wayahudi kwa kuwa Amri ya kwanza ya Mungu iliwakataza kufanya hivyo.

 

Kiufupi askari hawa walikuwa wametenda dhambi, japo walikuwa katika mapambano ya kutetea imani yao, watu watu na taifa lao la Israel kwa ujumla.

 

Kwahiyo baada ya Yuda kuona hivyo, hakuwaacha bali alifanya sala ya toba kwa ajili yao, na hata kutoa dhabihu ya maondoleo ya dhambi zao. Kitu alichokifanya Yuda, ndicho kinachofanywa na Wakatoliki hadi leo.

 

Hebu pia angalia Mathayo 12:32, inasema:

32. Tena asemaye neno la kumpinga Mwana atasamehewa, lakini yule asemaye neno la kumpinga Roho Mtakatifu hatasamehewa katika ulimwengu huu wala ule ujao.

 

Hapa Yesu anasema nini? Kwamba dhambi zote zitasamehewa, ila ile ya kumkufuru Roho Mtakatifu haitasamehewa kwenye ulimwengu huu (duniani) wala ule ujao (toharani).

 

Kwa tafakari ya kina Yesu anatuambia kwamba, kuna maondoleo ya dhambi sehemu mbili, katika ulimwengu huu na ule ujao.

 

Huo ulimwengu ujao ambao kuna maondoleo ya dhambi ni upi? Biblia haijatupa jina, lakini kupitia Mapokeo Matakatifu ya Kikatoliki sisi tumeuita ni "Toharani".

 

Kumbe basi kama dhambi zako hazikuondolewa katika ulimwengu huu wakati ulipofariki, kuna uwezekano zikaondolewa katika ulimwengu ujao. Ikiwa itafanyika Ibada ya maombezi kama ile aliyoifanya Yuda Makabayo, kwa wale maaskari wake waliofia vitani.

 

Ikumbukwe, Yesu anasema sio kila dhambi itaondolewa kwenye ulimwengu ujao (Toharani), kama dhambi ya kumkufuru Roho Mtakatifu.

 

Mtu kama yupo motoni (hell) hakuna sala itakayomfikia, kwani kuna ukuta mkubwa sana kati yetu na wao. (Luka 16:25-26).

 

Lakini kama mtu huyo yuko Mbinguni (Heaven) hakuna sala inayohitajika juu yake. Lakini kama sasa ikitokea mtu huyu hastahili kwenda motoni wala kuingia Mbinguni, moja kwa moja kuna sehemu atakwenda kwanza, sehemu hiyo anaweza kuombewa kama Yuda Makabayo alivyofanya.

 

Sasa kwanini sehemu hiyo tusiipe jina? Kama ilivyo Mbinguni na motoni, sehemu hii nayo inastahili kupewa jina la utambulisho.

 

Kanisa Katoliki limepaita mahali hapo kuwa ni Toharani. Jina hili halipatikani mahali popote, lakini Mapokeo Matakatifu yanatuambia panaitwa Toharani.

 

Mapokeo Matakatifu yanatuambia kuwa, Toharani sio sehemu ya kungojea hukumu au sehemu ya kifungo, bali ni mahali pa Utakaso kabla ya kuingia Mbinguni.

 

Mafundisho ya Kanisa Katoliki yanasema kuwa, Toharani sio chumba cha mateso, bali ni kama chumba cha maandalizi kabla ya kuingia Ikulu ya Mfalme Yesu Kristo.

 

Dhambi kubwa hukumu yake ni kwenda jehanamu, ila dhambi nyepesi ambazo hazikutendwa kwa makusudi, utakaswa Toharani.

 

Amini kwamba, Toharani ipo na ni fundisho halali la Kikatoliki linaloonesha kukubalika bila mashaka yoyote (dogma), lakini fundisho kuwa kila roho lazima ipite Toharani kabla ya kwenda Mbinguni hilo sio fundisho la Kanisa Katoliki.

 

Fundisho la Toharani lilipewa mkazo zaidi na Papa Gregory Mkuu (590 - 604 AD) Kanisa Katoliki lilifafanua fundisho hili na kuliweka rasmi katika Baraza la Lyons (1274), na Baraza la Florence (1439) na lilakazaniwa zaidi kwenye Baraza la Trent (1547). Kumbuka Baraza ndio Mtaguso kwa jina lingine.

 

Paulo aliwauliza Wakorintho (1Kor 15:29) kuwa:

29. Kama hakuna ufufuo, je watu wale wanaobatizwa kwa ajili ya wafu wanatumaini kupata nini? Kama wafu hawafufuliwi, ya nini kubatizwa kwa ajili yao?

 

Kumbe mtazamo wa Mtume Paulo na Yuda Makabayo juu ya kuwaombea wafu, walikuwa sahihi kwa watu wote waliotumaini juu ya ufufuo wa wafu.

 

Paulo anaendelea kusema (1Kor 3:13-15) kuwa:

13. Iwe iwavyo ubora wa kazi ya kila mtu mmoja utaonekana wakati siku ile ya Kristo itakapoifuchua. Maana siku hiyo itatokea moto, na huo moto hutapima na kuonesha ubora wake.

14. Ikiwa alichojenga mtu juu ya huo msingi, kitastahimili huo moto, atapokea tuzo.

15. Lakini kama alichojengwa kitaunguzwa, basi atapoteza tuzo lake. Lakini yeye mwenyewe ataokolewa, kana kwamba ameponyoka kutoka motoni.

 

Rejea ule mstari wa 15 unaosema: "Inaweza ikawa ulichojenga kikaunguzwa, yaani haukustahili kupewa tuzo, lakini bado ukaolewa kwa mithili ya kuponyoka.

 

Hii ina maana kuwa, sio wote watakaonekana kuwa wenye dhambi, basi wataenda motoni, wako ambao watakaonekana. Kwa tafakari ya kina, hao watakaoponyoka ni wale ambao roho zao ziko Toharani.

 

Aya hii ya 15 unaweza ukaielewa zaidi kama utaisoma tena kwa tafsiri ya Kingereza:

 

"If anyone's work is burned up, he will suffer loss, though he himself will be saved, but only as through fire" (1Cor 3:15).

 

Kwa maelezo haya machache, naamini utakuwa umenielewa.

 

 

*RAHA YA MILELE UWAPE EE BWANA...*

 


Maoni

Chapisha Maoni

Machapisho maarufu kutoka blogu hii

JINSI YA KUSALI ROSARI TAKATIFU YA BIKRA MARIA

Picha
JINSI YA KUSALI ROSARI TAKATIFU YA BIKRA MARIA   KANUNI ZA IMANI 1.    Nasadiki kwa Mungu Baba Mwenyezi muumba mbingu na dunia na kwa Yesu Kristo mwanaye wa pekee, Bwana wetu, aliyetungwa kwa uwezo wa roho mtakatifu akazaliwa na Bikra Maria akateswa kwa mamlaka ya Polystyo Pilato, akasulubiwa akafa, akazikwa akashukia kuzimu siku ya tatu akafufuka katika wafu akapaa mbinguni, amekaa kuume kwa Mungu baba Mwenyezi toka huko atakuja kwa utukufu kuwahukumu wazima na wafu, Nasadiki kwa roho Mtakatifu, Kanisa takatifu Katoliki, ushirika wa watakatifu, maondoleo ya dhambi, ufufuko wa miili na uzima wa milele ijayo Amina.   2.    BABA YETU Baba Yetu uliyembinguni jina lako litukuzwe, ufalme wako ufike utakalo lifanyike duniani kama mbingui utupe leo mkate wetu wa kila siku, utusamehe makosa yetu, kama tunavyo wasamehe na sisi waliotukosea usitutiye katika kishawishi lakini utuokoe maovuni Amina.   3.    SALAMU MARIA Salamu Maria ume...
Read more »

ROZARI YA KUWAOMBEA MAREHEMU TOHARANI

Picha
  ROZARI YA KUWAOMBEA MAREHEMU TOHARANI .   *• Jinsi na namna ya kusali.* *(Tumia Rozari ya kawaida)*   Anza Rozari kwa kupiga Ishara ya Msalaba huku ukisema: "Kwa Jina la Baba, na la Mwana na la Roho Mtakatifu. Amina".   Kisha sema maneno haya: K. Ee Mungu utuelekezee msaada. W. Ee Bwana utusaidie hima. Atukuzwe Baba....   SALA YA MWANZO "Ee Majeraha ya Bwana wetu na Mtukufu sana, ambayo yalimgharimu uchungu na damu. Ee Majeraha yenye utukufu, ambayo yalikuwa asili ya mapendo yake yasiyo na mwisho kwa ajili yetu. Tunakusihi utuonee huruma sisi na roho zote wanaoteseka Toharani na hata wakosefu wote maskini walioko duniani. AMINA"   *• Kwenye punje kubwa: Sali SALA YA ATUKUZWE BABA...*   (Baada ya hapo, sala ya Mtakatifu Getruda Mkuu isaliwe)   SALA YA MTAKATIFU GETRUDA MKUU. "Baba wa milele, ninakutotelea damu yenye thamani kuu ya Yesu Mwanao Mungu, nikiunganisha na sadaka za Misa Takatifu zinazoadhimishwa ...
Read more »

MALAIKA MKUU MT. MICHAEL UTULINDE KATIKA VITA

Picha
  MALAIKA MKUU MT. MICHAEL UTULINDE KATIKA VITA Siku moja Mtakatifu Michael Malaika Mkuu alimtokea Mtumishi wa Mungu Antonia D’astonic Akamwambia kuwa “Nataka kuheshimiwa kwa sala tisa, kulingana na makundi tisa ya Malaika wa mbinguni na sala hizi ziwe Baba yetu…. X 1, Salamu Maria…. X 3 (Kwa heshima ya kila Kundi la Malaika)                                                                       Ahadi za Mt. Mikael: yeyote atakayezoea kufanya ibada hii kwa heshima yangu, wakati wa kuelekea meza Takatifu, atasindikizwa na Malaika toka kwenye Makundi yote tisa, ambao watachaguliwa kutoka kila kundi. Zaidi ya hayo, atakayesali sala hizi tisa...
Read more »

IBADA KWA MOYO MTAKATIFU WA YESU

Picha
  IBADA KWA MOYO MTAKATIFU WA YESU   SALA KABLA YA KOMUNIO – SALA YA KUUTULIZA MOYO MTAKATIFU WA YESU Ee Yesu wangu, Mungu wangu na Bwana wa maisha yangu, sasa nataka kupokea komunio Takatifu, ili nikurudishie mapendo na kukufariji kwa ajili ya ubaridi wote na dhambi zote unazokosewa na watu katika Sakramenti hii ya mapendo. Ee Yesu, nakuomba unipe nguvu niishike na niishi nia hili. Nami najua ya kwamba wewe utakumbuka na kutimiza ahadi ya maneno uliyomwambia mtakatifu Margeth Maria Alacok, kwamba: “Utakuwa kimbilio langu katika maisha yangu na hasa saa ya kufa kwangu. AMINA” Moyo wa Yesu matumaini yao wanaokufa katika neema yako – Utuhurumie. Moyo wa Yesu malipo kwa dhambi zetu – utuhurumie. AMINA.     1.    SALA YA KUMWOMBA ROHO MTAKATIFU AYAGEUZE MAISHA YETU.   Ee Roho Mtakatifu, upendo na uzuri, uchangamfu, wa Baba na Mwana, maua na harufu ya utakatifu wa Mungu. Moto Mtakatifu uliowashwa ndani yangu, uufanye moyo wangu uwe m...
Read more »

TAMBUA UMUHIMU WA KUOMBEA MIMBA KWA MAMA MJAMZITO

Picha
TA MBUA NAMNA YA KUMLINDA MTOTO ALIYEKO TUMBONI NI MUHIMU KUOMBEA MIMBA KWA MAMA MJAMZITO Fatana nasi kuisikiliza video hii ya Sauti, ili kuweza kujifunza ni namna gani ya kuilinda mimba yako na kumkabidhi Mtoto wako wakifu mkononi mwa Mungu. Bofya link hii kuitazama video hii ili upate mafundisho zaidi kuhusu hali ya kumlinda mtoto zidi ya Adui angali awapo tumboni. Somo hili limeandaliwa na Mtumishi Julius Mmbaga BOFYA HAPA  
Read more »

CHANGAMOTO YA NDOTO KATIKA ULIMWENGU WA ROHO

Picha
  CHANGAMOTO YA NDOTO KATIKA ULIMWENGU WA ROHO Tumsifu Yesu Kristu, Ndugu yangu katika Makala hii napenda leo kujadili juu ya changamoto ya ndoto katika ulimwengu wa roho. Ninaposema changamoto ya ndoto katika Ulimwengu wa roho namaanisha ni hali ya mtu kuota ndoto ambazo zinafanana sana na uhalisi wake katika hali ya kawaida, yani unaota ndoto ambayo wewe mwenyewe unaona au unahisi kabisa kitu hichi ni kweli kimefanyika, mfano wa ndoto hizi ni 1)     Unaota unakula nyama mbichi na unapohamka ukitafakari hiyo ndoto na ukigusa meno yako unawez kukuta mabaki halisi ya nyama katika kinywa chako.   2)     Unaota unakula kweli na ukiamka asubuhi umeshiba kabisa wala huitaji chakula chochote.   3)     Unaota unakimbizwa, na unakimbia kweli, ukizinduka katika ndoto unajikuta ni mtu mwenye hofu na unahema kweli na kila tukio unalikumbuka vema.   4)       Unaota huko katikati ya watu waliovaa...
Read more »